: سێكس بەگشتی یەكێكە لە گرنگیەكانی هەموو مرۆڤێك‌و پێنجەم شتە هەرە گرنگەكانی هەموو ئینسانێكە كە لەدوای، هەوا، ئاو، خواردن‌و خەوت دێت. وەك چۆن كەسێك تیونی بێت، هەرچی خواردنە لەبەردەمی بێت تیونێتی ناشكێ، یان كەسێك خەوی بێت، هەموو شتێكیشی بۆ دابینكرابێت پێداویستی خەوەكەی بۆ ناڕەوێتەوە، بەهەمان سێكسیش بەهەمان شێوەیە.
سێكس بەشدارە لە رێكخستنی ژیانی رۆژانەمان، ئەمەش بەپێی لێكۆڵینەوەی زانستی زۆر چڕ سەلمێندراوە كە رێگرە بۆ زۆر نەخۆشی‌و چارەسەری زۆری ترە.
دكتۆرە میریا لۆكاس كە پسپۆڕێكی بەڕازیلییە، لە توێژینەوەیەكدا كە لەگەڵ لیژنەیەك ئامادەی كردووە، رایدەگەیەنێت: سێكس تەنها خاڵی كردنەوەی پەستانی تەوژمی هۆڕمۆن نییە لە لاشەماندا، یان بەسەربردنی چەند كاتێكی بەچێژ لەگەڵ بەرانبەرەكەمان، بەڵكو جۆرەها قازانج بە تەندروستی مرۆڤ دەگەیەنێت، سوودی جەستەیی‌و سوودی دەروونی.
ئەوەی لە توێژینەوە بەڕازیلییەكە باسی دەكات، جوتبوونە نەوەك سێكس بەشێوەیەكی گشتی، ئاخر دەسپەڕیش لە خانەی سێكس لەقەڵەم دەدرێت، بەڵام لە زۆربەی سوودەكانی جوتبوون مرۆڤ بێ بەش دەكات، بەتایبەتی سوودە تەندروستییەكانی، لە توێژینەوەكەدا هاتووە ئێمە باسی چەندێتی ناكەین، باسی چۆنییەتی دەكەین، لە جوتبوون ماددەی (بۆلاتین) لە خوێندا زیاد دەكات، بەڵام لە دەسپەڕدا گۆڕانكاری بەسەر خوێندا ناهێنێت، هەر وەك چۆن ئەو هەستی تێربوونەی لەدوای جوتبوون دێ، زۆر قوڵترە لەوەی لەدوای دەسپەڕ هەستی پێ دەكرێ، لەمەشدا پیاوان‌و ئافرەتان وەك یەك وان تێیدا.
ئەمانەی خوارەوە گرنگترین سوودەكانی جوتبوونن كە توێژینەوەكە نیشانی داوە:
یەكەم: سەلمێندراوە كە 3 جار سێكس لە هەفتەیەكدا بەشێوەیەكی بەردەوام، بەرێژەی 50% ئەگەری جەڵتەی دڵ كەم دەكاتەوە، بەڵام پێچەوانەكەی، واتە دووركەوتنەوە لە سێكس، مرۆڤ تووشی پەستانی توڕەیی‌و بێزاری‌و خەمۆكی دەكات‌و مرۆڤ نازانێت تەنانەت چۆن مامەڵە لەگەڵ دەروپشتی بكات.
یەكەم: سەلمێندراوە كە 3 جار سێكس لە هەفتەیەكدا بەشێوەیەكی بەردەوام، بەرێژەی 50% ئەگەری جەڵتەی دڵ كەم دەكاتەوە، بەڵام پێچەوانەكەی، واتە دووركەوتنەوە لە سێكس، مرۆڤ تووشی پەستانی توڕەیی‌و بێزاری‌و خەمۆكی دەكات‌و مرۆڤ نازانێت تەنانەت چۆن مامەڵە لەگەڵ دەروپشتی بكات.
دووەم: لەنێوان هۆش‌و سۆزداریدا رێكخستێكی بەرچاو دروست دەكات كە بەهۆیەوە مرۆڤ لەتەرازوویەكی رێكدا دەهێڵێتەوە.
سێیەم: بەیەكێك لە باشترین هێمنكەرەوەكانی دەرونی مرۆڤ دادەنرێت، ئەو پشوودان‌و ئیسراحەتەش كە لە سێكسدا دەستت دەكەوێت، یەكسانە خواردنی دەنكێك ڤالیۆمی 10 ملغ، ئەمە جگە لەوەی كە ڤالیۆم زیانەكانی لەسوودی زۆرترە.
چوارەم: بەشێوەیەكی راستەوخۆ رێژەی هەستكردن بە بەختەوەری لە مرۆڤدا زیاد دەكات. توێژینەوەكان دەریان خستووە، ئەو هاوسەرانەی بەشێوەیە بەردەوام سێكس دەكەن رێژەی بەختەوەریان 60% لەوانی دی زیاترە.
پێنجەم: بەسەر توڕەبوون‌و شەڵەژاندا زاڵت دەكات، هاوكارە بۆ ئەوەی بتوانی بەشێوەی پۆزەتیڤانە بیر بكەیتەوە.
شەشەم: سوودی بۆ پێستی ئافرەت هەیە، نەرم‌و تەندروستی دەكات، كە بە باشترین كرێمەكان ئەوەت دەست ناكەوێ. ئەمە جگە لەوەی بەپێی توێژینەوەیەكی تەندروستی نوێ ئاشكرا بووە، تۆوی پیاو لەهەرچی كرێمی دەموچاوە باشترە بۆ ئافرەت‌و گەنجێتی دەهێڵێتەوەو نایەڵێت چرچولۆچی تێ بكەوێ بە زوویی.
حەوتەم: ئەو ئارەقكردنەوەی لەكاتی جوتبوون پەیدا دەبێت، رێكخەرێكی سروشتییە بۆ كردنەوەی دەرچەی پێست‌و پێدانەی ئۆكسجینی تەندروست.
هەشتەم: هەفتەی 3 جار سێكس كردن، بەهۆی ئەو جوڵەیەی لەو كاتەدا دەكرێت، یەكسانە بە 40% ی ئەو مەشق‌و راهێنانە وەرزشیانەی بەشێوەیەكی ئەكادیمی ئەنجامی دەدەیت. بۆیە هەردەم ئامۆژگاری هاوسەران دەكرێت شێوازەكانی جووڵەی كاتی سێكسكردن بگۆڕن‌و پابەند نەبن بە یەك شێواز.
نۆیەم: دەبێتە هۆی بەهێزبوونی ماسولكەكان‌و، لە مرۆڤ دەكات زیاتر سەرنجڕاكێش بێت لەچاوی خەڵكیدا.
دەیەم: سوود بەتەواوی هەستەوەرییەكانی مرۆڤ دەگەیەنێت، بەتایبەتی هەستی بۆنكردن.
یانزەیەم: لەزۆرێك لە هەوكردنەوەكانی لاشە دەمانپارێزێت، بەتایبەتی هەوكردنەوەو نەخۆشیەكانی میزەڵان.
دوانزەیەم: رێژەی كۆلیسترۆل لەلاشە كۆنتڕۆڵ دەكات.
سیانزەیەم: سێكس بە چەكێكی كاریگەر دادەنرێت بۆ بەرەنگاربوونەوەی پرۆتستات لە پیاوان‌و شێرێەنجەی رەحم لە خانمان.